muß i denn, muß i denn

Muß i denn, muß i denn
Zum Städtele 'naus,
Städtele 'naus,
Und du, mein Schatz, bleibst hier.
Wenn i komm, wenn i komm,
Wenn i wiederum komm,
Wiederum komm,
Kehr i ein, mein Schatz, bei dir.
Kann i glei net allweil bei dir sein,
Han i doch mein' Freud an dir.
Wenn i komm, wenn i komm,
Wenn i wiederum komm,
Wiederum komm,
Kehr i ein, mein Schatz, bei dir.

Wie du weinst, wie du weinst,
Daß i wandere muß,
Wandere muß,
Wie wenn d' Lieb jetzt wär vorbei.
Sind au drauß, sind au drauß
Der Mädele viel,
Der Mädele viel,
Lieber Schatz, i bleib dir treu.
Denk du net, wenn i ne andere seh',
No sei mein Lieb vorbei.
Sind au drauß, sind au drauß
Der Mädele viel,
Der Mädele viel,
Lieber Schatz, i bleib dir treu.

Übers Jahr, übers Jahr,
Wenn mer Träubele schneid' t,
Träubele schneid' t,
Stell i hier mi wiedrum ein,
Bin i dann, bin i dann
Dein Schätzele noch,
Schätzele noch,
So soll die Hochzeit sein.
Übers Jahr, da ist mein Zeit vorbei,
Da g'hör i mein und dein.
Bin i dann, bin i dann
Dein Schätzele noch,
Schätzele noch,
So soll die Hochzeit sein.